طالبان از تاجیکستان و ازبکستان خواست هلی‌کوپترهای «افغانستان» را بازگردانند

آگهی

وزارت دفاع طالبان بار دیگر از تاجیکستان و ازبکستان خواست تا هلی‌کوپترهای [چرخبال] دولت پیشین را به امارت اسلامی افغانستان برگردانند.

طبق گزارش طلوع نیوز، ایالات متحده اعلام کرده است که هواپیماهای نظامی دولت پیشین افغانستان را به حکومت طالبان نخواهد داد. با این حال وزارت دفاع طالبان هشدار داد که به زودی و از هر راه ممکن این هواپیماها را بر می‌گرداند.

ایالات متحده این هلی‌کوپترها را برای نیروی هوایی افغانستان خریداری کرده بود.

عنایت‌الله خوارزمی، سخنگوی وزارت دفاع طالبان گفت: «چرخبال‌ها [هلی‌کوپترها] سرمایه مردم افغانستان است. » وی با این حال تایید کرد که دولت‌های ازبکستان و تاجیکستان ملاحظات خود را دارند. وی افزود که در اسرع وقت این هلی‌کوپترها برگردانده می‌شوند.

این در حالی است که طلوع نیوز به نقل از شماری از آگاهان می‌نویسد بازگرداندن این هلی‌کوپترها به افغانستان تا زمانی که حکومت طالبان به رسمیت شناخته نشود غیر ممکن است.

فهیم کوهدامنی، دیپلمات پیشین افغانستان در تاجیکستان می‌گوید: «کشورها ازبکستان و تاجیکستان هیچ عنوان اجازه تحویل این طیاره‌ها را به حکومت فعلی یا گروه حاکم فعلی ندارند.»

اسدالله ندیم، کارشناس مسائل نظامی نیز می‌گوید تردید دارد که اسناد مالکیت این هلی‌کوپترها متعلق به افغانستان باشد و به یقین «تحت مالکیت آمریکایی‌ها» است. وی همچنین تصریح کرد که موضوع دوم بحث به رسمیت شناختن طالبان است که هیچ کشوری آن به رسمیت نمی‌شناسند.

طالبان شمار این هلی‌کوپترها را چهل فروند تخمین زده است.